Brixntoiarisch uichigspitzt

Mundartdichter Herbert Jordan stellt dem Kitzbüheler Anzeiger wöchentlich ab sofort Gedichte und Kurzgeschichten aus seinem reichhaltigen Fundus zur Verfügung.Foto: A. Fusser

Gedanken zum Überdenken. Denkbeispiel Wunder.

A Rauhreif, weiß und zart, wia nia.
A Öpfibamm, ganz voia Bliah.

Die Sunn, dö untageht, bluatrot,
da Duft iba an frischn Brot.

A zarta Halm schwankt leicht im Wind,
im Böttl lacht a herzigs Kind

Und decht: es send no ganz gnuag Leit,
was sagn, daß`s koani Wunda geit.

Wer kunnt vo ins scho sölchi Sachn,
as wia a Toi voi Rauhreif machn?

Und oi mitnanda bracht ma nia
so öppas zamm, wia krad oa Bliah

aus dem amoi a Öpfi weascht,
den was ma bratn ku am Heascht.

Nit z`denkn von an Abndrot
und go nit von an Duft von Brot.

a nit amoi an Halm im Wind
und eascht nit ´s Lächln von an Kind.

Koa Mensch kunnt so was machn, Leit,
und war a no so gschickt und gscheit.

Wer schaugn ku, siecht a jedn Foi
Wunda und Wunda, ibaroi.

aus  dem Buch Dorfwieskinder